O-ringen 2015 Stage 4: Middle

O-ringen 2015 Stage 4 

我的三個寶貝 (當然放在一起時不能同時向北)

GPS route (whole map):

http://3drerun.worldofo.com/?id=-297276&type=info

(Cap 圖睇唔清系可以click into them and zoom in)

今日跑Middle 而且9點幾就出 全個賽區都係人 都冇咁驚.

可能我個Silva 指南針老啦，指來指去都指唔準，而且開始唔穩，最後決定買個俄羅斯指南針

我試過同時攞住3個指南針轉90度，俄羅斯個個係轉得最快的。（silva 第二，中國個個第三）

仲有，今日變翻1:10000圖。第一反應係哇 咩所有野好似放大咗咁多嘅易睇好多

開跑後，立即正置地圖。今次賽區有好多頂，非常好用。

（睇翻紅圈以知道我用咗咩features+attack)

CP1 順 

（主要用頂過，有用石重新set bearing,去確保自己方向岩)

CP2 okay

首先橫過一條小徑，而唔係走路。

今次冇走路，而係放膽去過林。都係用頂跳過河個下 我覺得自己好型唔係講笑架 條河幾闊下。上到路我停低咗陣，諗緊自己係路邊度。結果用路角同埋兩個高頂定位。過完個坳，又到lu~

CP3 順

呢個又係直線去。Set 岩bearing 後，心裡面只諗住過沼澤見上一個頂。到咗後，再經黃地+頂，又到咗

CP4 呢個都okay

Set bearing 過另外一個頂。我想就咁過沼澤，但呢個太深跑唔過的，所以唯有兜外圍。（GPSroute 睇到入咗一半出翻來）上到路我停低咗陣，諗緊自己係路邊忽，以確保自己set 岩bearing 入point。入咗幾步林，都係唔太肯定，所以又出翻去。最後，用條路個角位定好方向，而且用路邊極斜個個山坡側邊再肯定。入到林再用頂s，見黃地，到～

CP5 okay

打CP4 時，見到另外一個point 以為係CP5。一打完4就跑過去，點知唔係。白癡的嗎。定到自己係個植物分界時打bearing 入翻

CP6 呢個出咗少少錯。

開頭冇問題。出point 時，圍住佢都係沼澤，係小部分冇，我就過個度。跟住，用咗5個頂都行得順。就係最後入point 個moment，要殺落去啦，殺錯咗方向大概錯咗30度西北。行來行去都搵唔到，直至見到個黃地沼澤，知自己係邊度後，打翻bearing 入point, 到

CP7 靚

頂去頂去頂,到

見到沼澤+石確保自己岩

CP8 美，直線去，但入得慢（驚錯）

見到個point 以為唔係自己個個，再行入d 望，又冇。唯有行近d 望後先個個，原來呢個係correct lol 

(白癡的嗎）

CP9 呢個又係低級錯誤。

出路跑到水站，入林見黃地，兜外圍（佢有綠間）心裏面只諗住要過禁區通道。過咗後set bearing 諗住好快就到。奇怪啦 點解冇嘅 點解無啦啦有塊黃地係度嘅 去到舊大石問人我係邊，佢指咗我係邊（suppose 我應該去到個point,當時仲未知錯乜野）再搵，點知出咗路。又入翻去，再搵，都冇。去翻禁區通道口再來過，都冇。逐個逐feature 對（我都唔知點解有野比我對）最後又係出翻路。究竟發生咩事呢 我究竟係路邊度呢 當我不知所措的時候，又有個好心人停低指我係路邊度。呢個時候我先發現原來有2個禁區通道！

呢張睇到我去CP9時點錯法

我當場哭笑不得原來我以為自己過下面禁區通道，點知原來我過咗上面個個唔怪得我對feature 對極都唔岩定唔到位啦！

我講完句thank you 就開始跑落路經CP10 直線去CP9。途中要落山再兜過個細頂就到。唉 終於搵到你啦（又感動落淚）

你話甘多石點搵

之後原路撤返上翻CP10, 

再沿路跑去CP11。正所謂「跑得快• 出晒界」，我跑過龍落cut 過白林跟住到咗另外一條路。咁我知錯啦，但我又懶得爬翻上山喎，唯有直接入去搵。可是，我發覺係冇可能的事。

首先，呢度好密，所有草都高過我。跟住，又多石喎。點樣係密草裡的石海中搵其他一粒石呢？（應該就係呢個point 的好玩之處）

我唯有撞翻出去黃地隔離個頂仔,set 岩bearing，然後開始「數石仔」。

1、2、3、4. Hmm到啦掛

第五粒：YES 搵到你啦

CP11 KO 

樂極生悲

CP12 呢個有些貪玩

其實一早落路跑會較快較準。

難得開始放膽跑林，緊係把握機會啦。勁爽咁跑唔落路。過埋沼澤諗住撞河就會搵到（係呀 掌握到沼澤點跑後 係超級爽皮的) 點知太興奮，冇留意方向，唔小心跑翻入路。出到來唯有繼續走路啦

最抵死呢度。距離感冇咗 人地跑跑下 開咗條大路出來 仲要當時係超多人 咁我以為自己到咗遠少少個條小徑啦 跑咗入去又搵唔到wor 跟住又見到後先貪玩時個塊沼澤。之後，我嘗試搵翻條河，沿住入。打完CP12就拿拿聲走人。 

出翻個路網，跑落山，見到個大山窩就走過去打CP13。之後，又喪沖終點。

今日翻到來先早上10點幾。5日最早不過，都要等同行人等到四點先走

好彩隔離有d 障礙賽比我玩下正

整體來說，今日大部份時間都知道自己係邊，熟習咗地圖閱讀，攞features 攞得快咗。（睇GPS route 都少咗好多蛇餅啦，係咪？)

不過有陣時比較心急。可能因為今場我本身aim 90分鐘內翻，比咗壓力自己，未睇清楚就沖咗去。最後99分鐘先翻來:( 

今日條course 同賽區的確簡單咗，但我感受到我的技術有明顯的進步。

衝終點時由我角度看鏡頭

                                              

                      

O-ringen 2015 Stage 3 : 說好的148究竟在哪裡？

O-ringen 2015 Stage 3 

GPS route :http://3drerun.worldofo.com/?id=-297156&type=info

Warm Up

今日我出1點幾，但我12點就到咗起點。唔知點解今日好眼訓，於是我揀咗舊啡點就爬上去訓覺。（有係GPS 錶set alarm) 有個女仔經過以為我唔舒服，問我有冇事（瑞典人真係好friendly️) 

仲有，勁黑仔:o 臨出發時，我唔小心整爛左我個提示紙套:( 成場無得用。要check code 時超麻煩，成日要unfold 翻份地圖睇。

1點時，我起身做翻熱身準備出發。

一方面沿住彩帶跑到起點，另一方面諗緊點去CP1。我第一時間就諗沿路走，去到河邊打橫去入point。可是，一路跑時，我發現一早係起點直線去可能仲快，而且更準。哎呀 但我唔想翻轉頭，唯有照原定計劃走。

去到河邊時，打橫去。我發覺好難知幾時爬翻上去入point，因為個度山咀同山窩分別不大，好難數，而且呢個部分的林能見度唔高。我行到咁上下，唔理啦，決定爬咗上去先。我見到個控制點，好興奮跑過去，點知又唔係我個個（呢個感覺好似由天堂跌落地獄咁）

我嘗試用唔同頂定位，但點都搵唔到。後來，我入到快黃地，我就知道翻自己係邊，打翻bearing 爬過一個頂就到CP1。

我再用頂，一個接一個咁過，但又唔小心走過龍。慢慢搵下搵下就比我搵到CP2了

CP3整體來說頗順利。我撞入小徑，再入大路，去到一個小loop。個度有個lost 咗嘅女仔問我係邊，呢個時候我肯定答到佢我地所在位置。佢知道後，仿然大悟的樣子令我覺得幾開心。（助人為快樂之本嘛） 

我經過小loop 沿住小徑去到白林，再沿個d 斬樹斬出來個d 路走。（要一直望上天，確保自己on track) 去到盡頭，就開始有明顯白林與其他植皮的分界。一路沿住走經過沼澤，見到有個位特別高，就知道係CP3隔離個頂。去到頂北面就係個控制點。Yay

CP4 ~ 是日經典 

（睇GPSroute #wala) 

用咗65分鐘去搵呢個咁近的控制點。

我爬過個山頂入路。我想用一個肯定的攻擊點殺入去CP4。於是，我諗住用路邊石。行極都唔覺有石，行下行下都唔見有明顯大石，仲落咗去類似黃地的地方（冇咩樹）但明明地圖話係小徑邊系白林。跟住個方向又好鬼怪（指南針唔對地圖），搞到我開始唔肯定自己係邊。唯有沿路撤返，再搵過粒石。

睇翻GPS route 原來自己出左路，真系落左黃地。姐系又有人開左路出來。

搵到粒石後，開始落返去。行下行下踩咗落沼澤。唔知點解我又開始猶豫。呀 又爬翻上去。

我決定用路邊個明顯山咀再打bearing 入。落到對面快黃地，跟住入林。好難知道自己係邊，總之方向岩就得。有倒樹我就用來定位。點知呢度有多過2棵倒樹我點知畫圖個個係計咗邊棵落圖，全部都好大棵。唔理啦 照用其中一棵打bearing 落。（旁邊都有個石群）我見到個控制點好興奮走過去，點知係147。（我要搵148) 呢個話我知我個控制點好近，但究竟係邊呢？點解我搵極都搵唔到嘅:( WHY

其實我可以出翻路用水站慢慢入翻來入point ，但我懶。唔想特登出去又入翻來。之後不斷撞不斷殺。附近究竟有咩feature, 我幾乎記熟晒，但就係搵唔到個148。

以為系148，沖過去，點知呢個系147 

我開始驚。特別我今日出得晏，剩翻係林的人唔多，應該係話係呢區得翻我一個。係我非常徬徨的時候，個林靜得恐怖。冇人可以幫我。要靠自己relocate, 再搵個god damn CP4：148。roar 

真係好驚，同時好想令自己冷靜落來。「定D嚟」

冇錯，浩賢成日話「定D嚟」

嗯。

好，我冇晒辦法啦。

唯有真係撞翻出去水站，飲啖水定下驚，再入翻去。

只有定向人明白打point 的那份成功感
與感動的心情

呢次走得非常非常慢，要確保自己每行一步都知自己係地圖邊度。過河再上頂，比我搵到149。搞錯呀 147 149都比我搵到，係搵唔到個148。

落翻頂過沼澤經過2粒明顯大石，終於比我見到個大山窩，我加快腳步走入去。搵到了！搵到了！說好的「148」。打呢個控制點個刻，我又不禁覺得非常感動。

好啦 好啦 實在花咗太多時間落呢度。要快d 搵到剩低的控制點。我出翻水站，靠左經過2個分叉口。我選擇第二條路入，因為呢條行到盡頭就可以到CP5（行左一半覺得其實第一條仲快）

睇翻GPS route 原來我無行到d 路，只系我以為自己有行到lol
另外，宜家睇翻。我覺得有更好的route choice. 無需要甘兜一個大圈，簡直浪費時間。

如計劃一樣，去到盡頭過埋沼澤就到咗CP5。

打完CP5, 我又出翻水站。（個度d helpers 望住我係呢個範圍經過無數次) 沿路一直跑去到一塊小平地。爬入白林一直望上天沿住條「路」去到水站。

繼續沿條大路去到另一個水站。又用斬樹個d 路，一路行一路睇住方向一路數住路口。去到左邊第六個，我轉入去。見到塊勁密林後，沿住佢走。見到個小丘後面個2粒石。that's CP6!

CP6宜家睇翻都覺得跑路最快CP6, 雖然我選個條路也不差，

只不過系可以早一個水站入都得。

呢個可以直線去，不過好斜。

爬緊上CP7

沿路撤返，出翻後先個水站，跑大路。去到CP7 西北個快黃地。d人已經跑左條路出來，我係下面已經見到山坡上的控制點。好興奮咁爬上去，打完又拿拿聲跑翻落來。

久違了的路邊Point

CP8 — 好耐冇見的路邊point . 

跑過橋底同馬路靠左入大路，好快見到CP9。打完出翻路繼續跑。

呢度有些白癡。見到個水池後，我兜遠左係湖另外一邊入條馬路。其實可以一早一路。呀 唔識形容呢個部分。總之上左路後，又要行翻轉頭入林。我一路跑小徑見到CP10就跑出去打。

之後，又入翻路。呢度路網有些密。（好多分叉口）要碌大對眼睇清楚，確保自己冇走錯，同保持知道自己係邊。搞掂晒堆路口，搵到CP11。

打完好興奮就開始跑。但跑左幾步，都係唔太肯定。咪咪咪 停低 都係唔好 穩陣d 翻翻CP11 攞好bearing 入翻路。見到CP12 打埋佢，就沖去打last control。

跑到終點，打finish control個刻又令我露出微笑。:) 

個一份克服困難翻到終點的成功感相信每一個定向人都曾經感受過。

而且love it ️

又完成了一個Stage。

176分鐘。退步左

今場認真覺得麻麻地。

呢次個148控制點真係好經典。

翻到去研究咗好耐究竟發生咩事。

如果唔係呢個錯，應該可以早成粒鐘翻。

Stage 4 係Middle 加上我9點開跑。

應該輕鬆得多掛

O-ringen 2015 Stage 2 : Improving

GPS route: http://3drerun.worldofo.com/?id=-297009&type=info

(睇唔清圖, 可以click 入去, zoom in)

（今場有錄影, 不過好鬼鎮，我自己都睇到頭暈，
   cap 圖比大家睇下瑞典美麗的白林也好:)

每位參賽者都收拾心情，做足熱身，準備出發。

仲有1分鐘就入格啦!

用左3次的起點

CP1 一開波就炒. yo ️

一到Start，打個大概bearing 就沖咗出去。行咗半分鐘後，都係唔好。又翻翻去start 打個準d 的bearing，再去。呢個point 衰距離感。我奇怪點解咁耐都未到，開始猶豫。落到去又平又密，真係好難知自己係邊。我諗住翻翻Start 再來過。行行下竟然撞翻出路。個下我笑咗lol 因為我翻翻去當初行去起點個條路，仲見到有d 人係度準備緊出發。

我去翻Start 後，再打過bearing。今次好小心好小心（不過睇翻GPS route都係錯錯地方向lol) 我一直去，希望撞到個大沼澤。

過完個沼澤，我見到個黃地就拿拿聲沖過去。哇 終於搵到你啦 

22分鐘。

Ei 都冇stage 1 咁誇張。第一個pt 一個鐘

宜家睇翻我係可以一開頭撞start 以南個個頂再撞沼澤，咁樣可能會好D. 

CP2 - 順（因為走路其實直線去完全無問題）

撞翻出路後，一直跑跑跑。又開始數水站（今次好小心數，確保唔會錯）

去到第五個，而且係大路交來。我攞啱方向就爬上去打CP2。

爬緊去搵CP2 (好斜)

CP3 - okay 

開頭走路（宜家睇第二條路係跑落林，再落沼澤）我未有信心跑林啦

經過個一大塊深綠，一到白色就入去。跟住D 斬樹個D 路入（宜家睇翻，可以用多d 呢塊林的2個頂）

我明明就到，但唔知乜事轉咗彎。（可能個指南針轉咗方向，而我又跟咗）我直頭行錯咗方向，跟住兜咗個圈，發現原來未到，繼續跟個d 路過去，入翻林，打Point

CP4 - 是日焦點（51分鐘）

開頭冇問題。

我過沼澤，用咗2個頂，用埋第三個頂就應該到架啦。我懶，唔想爬上去，諗住兜外圍，希望去到個超勁山咀,覺得可行啦。點知就出事啦

唔知自己去咗邊，因為個度直頭開咗條路出來（地圖冇顯示）搞到我猶豫。（睇翻GPS route 原來我個時好近個point，可能10-20米，不過好密，睇唔到）

比人開出來的路

我係個個Area 迴旋咗一陣，上上落落，翻翻去白林，見到其他人point 又開始諗自己係邊。我估自己係舊岩石度。再打bearing 落啦又翻翻去後先地圖冇個條路。來回咗個條路同舊岩石起碼2次。都係搵唔到CP4。

我嘗試係舊岩，問人where am I ，點知打親呢個point 都係跑得勁快個d 男人。根本問唔到佢地。

反而，有個男人問我係邊，我都唔好意思答佢，不過都要講，Sorry I am Lost too :(

ROAR 

呢個時候有D 肚餓 食D 野先

搵左我51分鐘的CP4 

我係白林度嘗試搵其他feature 定位。去到一個類似十字路口的地方停低，望下周圍，分析晒地形，figure out 到我係個坳度。（山之間）

好啦 我決定返回一開始個計劃。爬翻上一開始因為懶唔爬個個頂，再沿住個極斜山咀直線落。

又翻翻去個條路。地圖冇顯示個條路個Area 仲有塊望到天的空地，地圖又冇顯示。我好confused. 想問人，又企咗係度。有個勁nice 的姐姐指比我睇。原來我好近，一行過少少。Boom 終於到！

跟住有個日本姐姐問我係邊，我終於有一次答到人我指翻我個point，佢好感謝又走咗去。

CP5 - 美 （直線過）

不過好慢咁過去（驚錯呀）

CP6 - 索爆

我爬翻上去，經過沼澤，沿路睇住我懶得爬個個頂，翻翻去後先個坳，再沿個D 路，到

CP7 - 還可以

落翻去後先個坳，繼續去。經過翻後先到過無數次的岩，過沼澤過河。爬上頂，諗住過另外一個頂舊就到。我想試數步。點知數咗一半唔記得自己數到幾多。又翻翻轉頭，再來過。都唔準嘅lol 

我見到一個point， 但又唔係我個個。咁我問人我係邊，原來好近又行過少少，搵到

CP8 - Long Leg with lots of route choices 

Lost 完個51分鐘，唔想再冒險，馬上決定跑路。落山見到另外一座知方向錯，轉左撞到路，就馬上沖。

去到第一個水站，唔知搞乜野。實地見到係知要轉左繼續去，但個指南針指極都唔同地圖顯示個條路一樣方向。總之，極怪。

我停低，係咁自轉，奇怪緊搞乜野。

跟住水站個哥哥走過來問我洗唔洗幫手哎呀 連水站都lost 要人幫

唔係呀嘛 跟住佢指翻我知道個個水站，指埋我要行邊條路。（同我知道個條一樣，係個指南針直極都唔啱）

我答謝後，就唔理啦 照跑

一直跑，去到一塊黃地。我去到個塔，再打bearing 入林。撞另一條小徑，去到盡頭，打bearing 經沼澤邊入point。

宜家睇翻地圖。其實可以直線由CP7 沖過來又或者兜左邊路。究竟跑路快d 定直線過快d,究竟跑左邊定右邊快d, 一切見仁見智。

CP9 - beautiful 

本來一打完point 就想沖走。沖左幾步，都係唔好。又翻翻轉頭，打清楚beAring，再去。跳過河個下又好鬼型 到point 就打

唔講唔知，CP9後面就系傳說中的啡點。

全個賽區都系甘架啦，可想言之，啡點系有幾難搵。

而Course Setters 又偏偏好中意set point 落啡點

Last Control 

CP10 - last control 

沖翻落路，沖呀

爆盡衝去終點

Finish :) 

165分鐘。

對比Stage 1 （315分鐘）好左一半啦

班外國人系90分鐘內一定翻到lol (embarassed)

雖然今日個賽區同賽程簡單左，但開始見到技術的進步DD啦。
（大部分跑得幾順，系炒CP1同4）

係個指南針真係怪怪地。

不同定向會的旗桿在Arena 飄揚~

跑完翻來真系好肚餓架...我一翻到去佢地個餵食樣迎接我xD
(個個都食緊野)

而且好眼訓Zzzz (我沖完涼翻到去，個個訓曬覺lol) 

Hehe 跟住Rest Day :D